"Barselona" va "Real"ning sobiq futbolchisi Luish Figu Sport nashri o‘tkazgan qisqa so‘rovnomada o‘ziga atmosferasi bilan eng katta taassurot qoldirgan stadionlar haqida gapirdi.
Undan dunyoda qaysi arena eng katta taassurot qoldirgani so‘ralganda, portugaliyalik futbolchi "Liverpul" stadionini tilga oldi.
Keyin Figudan Ispaniyadagi eng kuchli atmosferaga ega stadionni aytish so‘raldi. U "Barselona" va "Real" arenalarini istisno qilgan holda:
"Ehtimol, "San-Mames", deya javob berdi.
Shuningdek, Figudan faoliyatidagi eng yaxshi golini tanlash so‘raldi.
"Bu oson, chunki men unchalik ko‘p gol urmaganman. Yevropa chempionatida Angliyaga qarshi o‘yinda urgan golimni tanlayman", dedi u.
Luish Figu 2009 yilda "Inter" futbolchisi sifatida faoliyatini yakunlagan. U faoliyati davomida "Sporting", "Barselona" va Madridning "Real" klublari sharafini ham himoya qilgan.
