Madridning "Real" klubi yarim himoyachisi Jud Bellingem La Liganing 7-turidan o‘rin olgan "Atletiko"ga qarshi uchrashuv vaqtida hujumchi Juliano Simeonega haqoratli tarzda murojaat qildi. Bu haqda The Sun xabar berdi.

Uchrashuv Madriddagi "Sivitas Metropolitano" stadionida bo‘lib o‘tdi. Bahsni bosh hakam Migel Anxel Ortis Arias boshqardi. O‘yin "Atletiko"ning 2:1 hisobidagi g‘alabasi bilan yakunlandi.

Mojaroli vaziyat ikkinchi bo‘limda, futbolchilar to‘p uchun kuch ishlatib kurash olib borayotgan paytda sodir bo‘ldi. Yerga yiqilgan Bellingem darhol o‘rnidan turib, Simeone bilan munosabatlarni oydinlashtirishga urindi.

"Atletiko" yarim himoyachisi Koke vaziyatni yumshatish maqsadida Bellingemni chetga tortishga harakat qildi. Biroq translyasiya kameralari angliyalik futbolchining Simeonega qarata: "Bor yo‘qol, la’nati ablah", deb baqirayotganini qayd etdi.

Yettita turdan so‘ng "Atletiko" 16 ochko jamg‘arib, La Liga turnir jadvalida ikkinchi o‘rinni egallab turibdi. "Real" esa 15 ochko bilan to‘rtinchi pog‘onada bormoqda.