Madridning «Real» klubi sobiq himoyachisi, hozirda Saudiya Arabistonining «Al-Kodisiya» jamoasida to‘p surayotgan Nacho Fernandes «Oltin to‘p» sovriniga o‘z nomzodini ma’lum qildi.
«Qirollik klubi»ning sobiq sardori 2024 yilning yozida jamoani tark etgani sababli birga o‘ynashga ulgurmagan Kilian Mbappeni alohida ajratib ko‘rsatdi.
«Agar ovoz berishim kerak bo‘lganida, Mbappeni tanlagan bo‘lardim. U yildan-yilga yanada tezlashmoqda, ko‘proq gol urmoqda. Jismoniy jihatdan u shunchaki yirtqich kabi», — dedi 36 yoshli ispaniyalik futbolchi El Largueroga bergan intervyusida.
O‘tgan mavsumda fransiyalik hujumchi «Real» safida 44 ta o‘yinda 42 ta gol urdi va 7 ta golli uzatmaga mualliflik qildi. O‘tgan yozda Mbappe JCH-2026 ning eng yaxshi to‘purariga aylandi, unda Fransiya terma jamoasi yarim finalgacha yetib bordi.
