Irlandiya terma jamoasi bosh murabbiyi Xeymir Xadlgrimsson Millatlar ligasida Isroilga qarshi o‘yin oldidan Isroil mudofaa kuchlarining G‘azodagi harakatlarini «genosid» deb atadi.
«Biz genosid bilan o‘ynamayapmiz, biz genosidga qarshi o‘ynayapmiz. Biz Isroilga qarshi o‘ynayapmiz, Isroil bilan emas», — dedi Xadlgrimsson matbuot anjumanida.
Isroil — Irlandiya uchrashuvi 27 sentyabr kuni Vengriyaning Debresen shahrida bo‘lib o‘tadi. Javob bahsi esa 4 oktyabrga belgilangan.
Irlandiya futbol assosiasiyasi avvalroq UEFAdan qur’a tashlash marosimlarida Isroil va Irlandiya terma jamoalarini bir-biriga to‘qnash keltirmaslikni so‘ragan, ammo bu iltimos rad etilgan.
Shuningdek, Irlandiya futbol assosiasiyasi Isroilning G‘azodagi harbiy operasiyalari sabab mamlakat terma jamoalarini Yevropa musobaqalarida ishtirok etishdan chetlatishga UEFAni rasman chaqirgan edi.
