Italiyaning «Roma» klubi sobiq yarim himoyachisi Franchesko Totti professional futbolga qaytish variantini ko‘rib chiqqan edi. Bu haqda afsonaviy italiyalik o‘zining «Oltre» nomli yangi kitobida so‘zlab berdi.

«48 yoshimda men «Jenoa» va «Komo»ga rad javobini berdim. Tanam qaytishga tayyor edi, ammo bir savolga javob berish kerak edi: «Men «Roma»ga qarshi o‘ynashga tayyormanmi?» Ichimdagi javob aniq edi, shuning uchun rad etdim», — deb yozadi Totti o‘z avtobiografiyasida.

Totti butun faoliyatini «Roma» tarkibida o‘tkazgan. U rimliklar sharafini 1993 yildan 2017 yilgacha himoya qilgan. Ushbu davr mobaynida u 785 ta o‘yinda maydonga tushib, 307 ta gol urgan va 205 ta golli uzatmani amalga oshirgan.