"Napoli" yarim himoyachisi Andre-Frank Zambo-Angissaning hozirgi salomatlik holati bo‘yicha rasmiy ma’lumot berdi.
Kamerunlik futbolchi avvalroq sonning yaqinlashtiruvchi mushagidagi jarohat sabab A Seriyada "Bolonya"ga va Chempionlar ligasida "Arsenal"ga qarshi o‘yinlarni o‘tkazib yuborgan edi.
Angissa "Fiorentina"ga qarshi 1:1 hisobida yakunlangan uchrashuvning so‘nggi daqiqasida maydonga tushib, safga qaytdi. Biroq zaxiradan maydonga tushganidan ko‘p o‘tmay, futbolchi yana salomatligi bilan bog‘liq muammoga duch keldi. Endi uning jarohati rasman tasdiqlandi.
Angissada o‘ng sonning yaqinlashtiruvchi mushagi jarohati aniqlandi. Yarim himoyachi allaqachon tiklanish jarayonini boshlagan.
Shu bilan birga, u xalqaro tanaffusdan keyin "Napoli"ning ilk uchrashuvida maydonga tushish imkoniyatini saqlab qolmoqda. Neapolliklar 10 oktyabr kuni "Frozinone"ga qarshi o‘ynaydi.
