Belgiyalik yarim himoyachi Kevin de Bryoyne o‘tgan transfer oynasida «Napoli»dan ketishi mumkinligi haqidagi xabarlarga izoh berdi. Bu haqda jurnalist Janluka di Marsio sayti xabar bermoqda.

«Men bu yozda «Napoli»dan ketish g‘oyasini hech qachon ko‘rib chiqmaganman. Bu haqda hech kim bilan gaplashmadim», - dedi hozirda milliy terma jamoa ixtiyorida bo‘lgan belgiyalik yarim himoyachi.

De Bryoyne, shuningdek, Belgiya terma jamoasidagi vaziyati haqida ham gapirib berdi. Futbolchining so‘zlariga ko‘ra, u Mark van Bommelga jamoaga yordam berishga tayyorligini ma’lum qilgan.

«Men ham ruhan, ham jismonan o‘zimni yaxshi his qilyapman, shu sababli shu ruhda davom etishni xohladim. Ko‘plab o‘yinchilar mendan qolishni so‘rashdi. Kelajak haqida haddan tashqari ko‘p o‘ylashni xohlamayman, ammo men uchun bu muammo emas edi».

Joriy mavsumda 35 yoshli futbolchi maydonda 6 ta o‘yin o‘tkazib, 1 ta gol urdi va 1 ta golli uzatma berdi.