Taniqli germaniyalik sobiq futbolchi Lotar Matteus «Bavariya» vingeri Maykl Olise sha’niga aytilayotgan tanqidlarni o‘rinsiz deb hisoblaydi.

Fransuz futbolchisi intervyu berishni xohlamasligi bilan tanilgan: u jurnalistlar bilan muloqotda maksimal darajada kamgap, buni ayrimlar hurmatsizlik deb baholamoqda.

«Hammasi joyida. Agar xohlamasa, nega gapirishi kerak? Bizga shov-shuvli sarlavhalar kerak bo‘lgani uchunmi? Bu shunchaki uning fe’l-atvoriga mos emas, bu narsa uni qiziqtirmaydi. Menga o‘xshagan kimdir kamera qarshisiga o‘tib gapiradi, Olise esa o‘yinlardan so‘ng o‘zi uchun qulayroq narsa bilan shug‘ullanishni afzal ko‘radi. Uning qulaylik hududi — bu aniq mikrofon va kamera emas. Men bunda hech qanday muammo ko‘rmayapman. Modomiki u maydonda shunchalik ajoyib o‘yin ko‘rsatayotgan ekan, intervyulardan qochishi va xohlagan libosini kiyib yurishi mumkin. Men uchun uning maydondagi harakatlarini kuzatish juda qiziqarli», — deydi Matteusning so‘zlarini Bayern & Germany.

Maykl Olise joriy mavsumda «Bavariya» safida yettita o‘yinda maydonga tushib, sakkizta gol urdi va to‘rtta golli uzatmani amalga oshirdi.