«Manchester Siti» hujumchisi Erling Xoland hujumchi Harri Keyn ketganidan keyingi davrga tayyorgarlik ko‘rayotgan «Bavariya»ning qiziqishlari doirasida bo‘lib turibdi. Bu haqda TEAMtalk xabar bermoqda.

Manbaning xabariga ko‘ra, Myunxen klubi Keyn jamoada yana ikki-uch yil qolishiga va yangi shartnoma imzolashiga umid qilmoqda. Shu bilan birga, «Bavariya» norvegiyalik futbolchining «Manchester Siti»dan ketish ehtimoli Keynning bo‘lajak ketish muddatiga to‘g‘ri kelib qolishi mumkinligini hisobga olib, Xoland bilan bog‘liq vaziyatni tahlil qilmoqda.

«Bavariya»dan tashqari, «Real» va «Barselona» ham Xoland transferiga da’vogar bo‘lishi mumkin. Ushbu klublar hujumchini sotib olish variantini potensial ravishda 2027 yildayoq ko‘rib chiqishlari kutilmoqda.

Transfermarkt portali ma’lumotlariga ko‘ra, norvegiyalik hujumchining transfer qiymati 220 million yevroni tashkil etadi.