«Манчестер Сити» ҳужумчиси Эрлинг Холанд ҳужумчи Ҳарри Кейн кетганидан кейинги даврга тайёргарлик кўраётган «Бавария»нинг қизиқишлари доирасида бўлиб турибди. Бу ҳақда TEAMtalk хабар бермоқда.
Манбанинг хабарига кўра, Мюнхен клуби Кейн жамоада яна икки-уч йил қолишига ва янги шартнома имзолашига умид қилмоқда. Шу билан бирга, «Бавария» норвегиялик футболчининг «Манчестер Сити»дан кетиш эҳтимоли Кейннинг бўлажак кетиш муддатига тўғри келиб қолиши мумкинлигини ҳисобга олиб, Холанд билан боғлиқ вазиятни таҳлил қилмоқда.
«Бавария»дан ташқари, «Реал» ва «Барселона» ҳам Холанд трансферига даъвогар бўлиши мумкин. Ушбу клублар ҳужумчини сотиб олиш вариантини потенциал равишда 2027 йилдаёқ кўриб чиқишлари кутилмоқда.
Transfermarkt портали маълумотларига кўра, норвегиялик ҳужумчининг трансфер қиймати 220 миллион еврони ташкил этади.
