«Chelsi» qishki transfer oynasida yarim himoya chizig‘ini kuchaytirishni rejalashtirmoqda.
«Ko‘klar» yarim himoyachilar — «Bornmut» a’zosi Aleks Skott hamda «Kristal Pelas» futbolchisi Adam Uortonni transfer bozoridagi asosiy nishonlar sifatida belgilab olishdi, deb xabar bermoqda Transfer News Live CaughtOffside manbasiga tayanib. London grandi har ikki futbolchi uchun ham katta summa taklif qilishga tayyor, shu bilan birga, zarur bo‘lsa, kelasi yozgacha kutishi ham mumkin.
Transfermarkt portali ekspertlari 23 yoshli Skottning qiymatini 50 million yevroga, 22 yoshli Uortonning narxini esa 70 million yevroga baholashmoqda. Yarim himoyachilarning amaldagi klublari bilan shartnomalari mos ravishda 2028 va 2029 yilgacha mo‘ljallangan.
