«Челси» қишки трансфер ойнасида ярим ҳимоя чизиғини кучайтиришни режалаштирмоқда.
«Кўклар» ярим ҳимоячилар — «Борнмут» аъзоси Алекс Скотт ҳамда «Кристал Пэлас» футболчиси Адам Уортонни трансфер бозоридаги асосий нишонлар сифатида белгилаб олишди, деб хабар бермоқда Transfer News Live CaughtOffside манбасига таяниб. Лондон гранди ҳар икки футболчи учун ҳам катта сумма таклиф қилишга тайёр, шу билан бирга, зарур бўлса, келаси ёзгача кутиши ҳам мумкин.
Transfermarkt портали экспертлари 23 ёшли Скоттнинг қийматини 50 миллион еврога, 22 ёшли Уортоннинг нархини эса 70 миллион еврога баҳолашмоқда. Ярим ҳимоячиларнинг амалдаги клублари билан шартномалари мос равишда 2028 ва 2029 йилгача мўлжалланган.
