Portugaliya terma jamoasi yarim himoyachisi Ruben Nevesh Krishtianu Ronalduning Uelsga qarshi o‘yindan keyingi holati haqida fikr bildirdi.
Portugaliya Millatlar ligasida Uelsni 1:0 hisobida mag‘lub etdi. Uchrashuvdagi yagona golni 22-daqiqada Joau Felish urdi.
41 yoshli Ronaldu 59-daqiqada to‘pni darvozaga kiritdi, ammo VAR tekshiruvidan so‘ng gol bekor qilindi. Shuningdek, u yana bir juda qulay vaziyatdan foydalana olmadi. 68-daqiqada esa maydonni tark etdi va uchrashuvni gol yoki golli uzatmasiz yakunladi.
"Ronaldu xafa bo‘ldimi? Krishtianuni bilasiz. U gol urganda bir xil, gol urolmaganda esa butunlay boshqacha bo‘ladi. Buni hammamiz yaxshi bilamiz. Ammo u juda yaxshi o‘ynadi va ko‘plab xavfli vaziyatlar yaratishimizga yordam berdi. Ishonchim komil, gollar hali keladi", — dedi Nevesh.
Portugaliya terma jamoasi navbatdagi uchrashuvini 27 sentyabr kuni safarda Norvegiyaga qarshi o‘tkazadi.
