Madridning "Real" klubi himoyachisi Din Xyoysen 2026 yilgi Jahon chempionatida ishtirok eta olmagani haqida fikr bildirdi.
"Men ispaniyalikman. Ispaniya terma jamoasi Jahon chempionatida g‘olib chiqdi va shuning uchun, futbolchi sifatida emas, balki ispaniyalik sifatida men ham o‘zimni chempion deb hisoblayman. Ammo mundialni o‘tkazib yuborganim men uchun katta umidsizlik bo‘ldi. Endi esa buni o‘zgartirib bo‘lmaydi", — dedi Xyoysen.
2026 yilgi Jahon chempionati finalida Ispaniya Argentinani 1:0 hisobida mag‘lub etib, chempionlikni qo‘lga kiritdi.
21 yoshli Xyoysen esa musobaqa uchun Ispaniya terma jamoasi tarkibiga kiritilmadi.
Himoyachi shu kunga qadar milliy terma jamoa safida 7 ta uchrashuv o‘tkazib, 1 ta golli uzatma amalga oshirgan.
