"Barselona" sport direktori Deku o‘tgan yozda "Inter" hujumchisi Lautaro Martines transferi nega amalga oshmaganini tushuntirdi.
Argentinalik futbolchi kataloniyaliklar qiziqish bildirgan nomzodlar orasida bo‘lgan, ammo muzokaralar jiddiy bosqichgacha yetib bormagan.
"Lautaro "Inter" muxlislarining sevimli futbolchisi va klub afsonasi. Biz buni hurmat qilamiz. Men uni ajoyib futbolchi va kuchli sardor deb hisoblayman.
"Inter" bizga Martines sotilmasligini ma’lum qilgan zahoti, bu masalani chuqurlashtirmadik va boshqa muzokara olib bormadik. Biz doimo oqilona va ochiq ishlashga harakat qilamiz. "Inter" prezidentining rad javobini eshitgach, hurmat yuzasidan klubga bosim o‘tkazmadik.
Lautaroning o‘zi yoki uning agenti bilan hech qanday aloqamiz bo‘lmagan. Shunga qaramay, bizga u juda yoqqan va hozir ham yoqadi. Shaxsan men uning o‘yiniga katta hurmat bilan qarayman", — dedi Deku.
Transfer oynasi yopilishidan oldin "Barselona" "Arsenal"dan Gabriel Jezusni xarid qildi.
