«Real»ning 21 yoshli markaziy himoyachisi Din Xyoysen bosh murabbiy Joze Mourinyu nega unga yuqori talab qo‘yayotganini yaxshi tushunishini aytdi.

«U bunday qilayotganining sababini tushunaman. Chunki Mourinyu mening nimalarga qodirligimni biladi. U meni koyiydi, deb aytmagan bo‘lardim, ammo menga nisbatan juda talabchan.

U mening rivojlanishimni va jamoaga ko‘proq foyda keltirishimni xohlaydi. Bu esa yaxshi», — dedi Xyoysen.

Ispaniyalik himoyachi joriy mavsum barcha musobaqalarni hisobga olganda 7 ta uchrashuvda maydonga tushdi, ammo hozircha gol yoki golli uzatma bilan ajralib turmadi.

«Real» navbatdagi uchrashuvini 10 oktyabr kuni o‘z maydonida «Vilyarreal»ga qarshi o‘tkazadi.