Aichi-Nagoya-2026 Osiyo o‘yinlarining navbatdagi kunida O‘zbekiston delegasiyasi eshkak eshish bahslarida ketma-ket uchta kumush medalni qo‘lga kiritdi.
Baydarkada eshkak eshish bo‘yicha ayollar o‘rtasidagi 500 metr masofaga to‘rtlik dasturida Yekaterina Shubina, Arina Tanatmisheva, Milana Dushev-YAnich va Shahrizoda Mavlonovadan iborat O‘zbekiston kvarteti marraga ikkinchi bo‘lib yetib keldi.
Kanoeda eshkak eshish bahslarida Vladlen Denisov ham shohsupaga ko‘tarildi. 500 metr masofaga yakkalik dasturida qatnashgan sportchimiz ikkinchi natijani qayd etib, joriy Osiyo o‘yinlaridagi ikkinchi kumush medaliga sazovor bo‘ldi.
Shuningdek, ayollar o‘rtasidagi kanoeda 500 metr masofaga juftlik bahslarida Shohsanam Sherzodova va Nilufar Zokirova tandemi ham finish chizig‘ini ikkinchi bo‘lib kesib o‘tdi va delegasiyamiz hisobiga yana bir kumush medalni qo‘shib qo‘ydi.
