Аичи-Нагоя-2026 Осиё ўйинларининг навбатдаги кунида Ўзбекистон делегацияси эшкак эшиш баҳсларида кетма-кет учта кумуш медални қўлга киритди.
Байдаркада эшкак эшиш бўйича аёллар ўртасидаги 500 метр масофага тўртлик дастурида Екатерина Шубина, Арина Танатмишева, Милана Душев-Янич ва Шаҳризода Мавлоновадан иборат Ўзбекистон квартети маррага иккинчи бўлиб етиб келди.
Каноэда эшкак эшиш баҳсларида Владлен Денисов ҳам шоҳсупага кўтарилди. 500 метр масофага яккалик дастурида қатнашган спортчимиз иккинчи натижани қайд этиб, жорий Осиё ўйинларидаги иккинчи кумуш медалига сазовор бўлди.
Шунингдек, аёллар ўртасидаги каноэда 500 метр масофага жуфтлик баҳсларида Шоҳсанам Шерзодова ва Нилуфар Зокирова тандеми ҳам финиш чизиғини иккинчи бўлиб кесиб ўтди ва делегациямиз ҳисобига яна бир кумуш медални қўшиб қўйди.
