Londonning «Arsenal» klubining iqtidorli yarim himoyachisi Maks Douman ijaraga ketishi mumkin, deb xabar bermoqda insayder Ekrem Konur ijtimoiy tarmoqlar orqali.
Manbaga ma’lum bo‘lishicha, 16 yoshli vinger bilan shartnoma imzolashga qiziqish bildirayotgan 10 dan ortiq klub «kanonirlar» bilan bog‘langan. Ular orasida ijara bo‘yicha muzokaralar olib borgan Shotlandiyaning «Reyndjers» va «Seltik» klublari ham bor.
«Arsenal» o‘z navbatida futbolchi muntazam o‘yin amaliyotiga ega bo‘lishi uchun Doumanni ijaraga berish variantini ko‘rib chiqishga tayyor.
Transfermarkt portali ekspertlari ingliz yarim himoyachisining bozor qiymatini 30 million yevroga baholamoqda.
