Лондоннинг «Арсенал» клубининг иқтидорли ярим ҳимоячиси Макс Доуман ижарага кетиши мумкин, деб хабар бермоқда инсайдер Экрем Конур ижтимоий тармоқлар орқали.
Манбага маълум бўлишича, 16 ёшли вингер билан шартнома имзолашга қизиқиш билдираётган 10 дан ортиқ клуб «канонирлар» билан боғланган. Улар орасида ижара бўйича музокаралар олиб борган Шотландиянинг «Рейнджерс» ва «Селтик» клублари ҳам бор.
«Арсенал» ўз навбатида футболчи мунтазам ўйин амалиётига эга бўлиши учун Доуманни ижарага бериш вариантини кўриб чиқишга тайёр.
Transfermarkt портали экспертлари инглиз ярим ҳимоячисининг бозор қийматини 30 миллион еврога баҳоламоқда.
