Professional boksning super og‘ir vazn toifasi sobiq Jahon chempioni Tayson Fyuri yana bir sobiq chempion Entoni Joshua o‘rtasidagi uzoq kutilgan jang 11-dekabr kuni UYElsning Kardiff shahridagi “Principality Stadium” arenasida o‘tkaziladi. Jangni Netflix platformasi butun dunyo bo‘ylab jonli namoyish etadi. Bu haqda The Guardian nashri xabar berdi.
Manbaga ko‘ra, jangning o‘tkazilish joyi va sanasi Saudiya Arabistoni umumiy ko‘ngilochar boshqarmasi raisi hamda Saudiya boks federasiyasi prezidenti Turki al ash-SHayx tomonidan ma’lum qilindi. U Fyuri va Joshua o‘rtasidagi jangni tashkil etish bo‘yicha kelishuvga nihoyat erishilganini e’lon qildi.
Avvalroq ikki bokschining qayerda jang qilishi borasida uzoq muzokaralar olib borilgan edi. Bahsni AQSHning Nyu-York shahridagi “Madison Square Garden” arenasida o‘tkazish varianti ham muhokama qilingan. Yakunda jang Buyuk Britaniyada o‘tkaziladigan bo‘ldi.
