25 sentyabr kuni Avstraliya va Braziliya terma jamoalari o‘rtasida o‘rtoqlik uchrashuvi bo‘lib o‘tdi. Bahs 1:1 hisobida durang bilan yakunlandi.
Uchrashuvda hisob 68-daqiqada ochildi. Avstraliyalik Nestori Irankunda Braziliya darvozasini ishg‘ol qilib, jamoasini oldinga olib chiqdi.
Braziliya esa mag‘lubiyatdan so‘nggi lahzalarda qutulib qoldi. 90+5-daqiqada Rayan Rafinyaning uzatmasidan so‘ng gol urib, hisobni tenglashtirdi.
Qizig‘i, bu uchrashuvga qadar Avstraliya va Braziliya tarixda atigi uch marta to‘qnash kelgan edi. Ularning ikkitasi o‘rtoqlik bahsi, yana biri 2006 yilgi Jahon chempionati doirasida o‘tkazilgan.
Avvalgi uchta o‘yinning barchasida Braziliya g‘alaba qozongan va umumiy hisob 12:0 bo‘lgan. Shu tariqa, Avstraliya tarixda ilk bor Braziliyaga qarshi o‘yinda mag‘lub bo‘lmadi.
