«Real» bosh murabbiyi Joze Mourinyo futbolchilar bilan ishlash uslubi va qaror qabul qilish jarayoni haqida gapirdi.

«Men doimo futbolchilar bilan yaxshi muloqot qilishga harakat qilaman. Ko‘pincha ularga: «Bu — ushbu o‘yin uchun mening g‘oyam, bu — strategiyam, yordamchilarim bilan birga o‘yinni shunday tahlil qildik va mana bunday o‘ynamoqchimiz», deb tushuntiraman.

Ammo bundan ham muhimi — futbolchilarning o‘zlari nima his qilayotgani. Ulardan: «Buni bajara olasanmi? Senga qo‘yilgan vazifalarni uddalay olasanmi? Agar yo‘q bo‘lsa, o‘z fikringni ayt», deb so‘rayman.

Shuning uchun biz doimo yechimni birgalikda izlaymiz. Murabbiy ham, futbolchi ham o‘zini ishonchli va qulay his qiladigan eng yaxshi variantni topishga harakat qilamiz.

Futbolchi o‘zi ishonmaydigan ishni bajarayotgan bo‘lsa, bu samara bermaydi, deb o‘ylayman. Shu sabab murabbiy bilan uning g‘oyalarini maydonda amalga oshiradigan futbolchilar o‘rtasidagi munosabat juda muhim.

Universitetdagi ustozlarimdan biri shunday derdi: «Siz futbolchilarni emas, insonlarni tarbiyalaysiz».

Ha, ular futbolchilar. Ammo birinchi navbatda ular insonlar, bu holatda esa yosh insonlar. Shuning uchun ish jarayonida insoniy munosabat juda katta ahamiyatga ega», — dedi Mourinyu.