«Barselona» rahbariyati va murabbiylar shtabi Entoni Gordonning dastlabki o‘yinlari hamda uning Xans-Diter Flikning hujumkor uslubiga moslashuvidan mamnun. Bu haqda TEAMtalk xabar berdi.

Manbaga ko‘ra, kataloniyaliklar 25 yoshli vinger transferi hozircha kutilgan natijani to‘liq berayotgan deb hisoblamoqda.

Gordon bilan ishlayotgan mutaxassislar uni o‘ta professional va maqsadi sari qat’iyat bilan intiladigan futbolchi sifatida ta’riflamoqda.

«Barselona»da Gordonni Markus Rashford o‘rniga sotib olish qarori to‘g‘ri bo‘lgan, degan fikr ustun.

Joriy mavsumda Gordon barcha musobaqalarda 7 ta o‘yinda maydonga tushib, 5 ta golli uzatmani amalga oshirdi.

Uning klub bilan amaldagi shartnomasi 2031 yil yoziga qadar mo‘ljallangan. Transfermarkt ma’lumotiga ko‘ra, futbolchining bozor qiymati 80 million yevroni tashkil qiladi.