«Барселона» раҳбарияти ва мураббийлар штаби Энтони Гордоннинг дастлабки ўйинлари ҳамда унинг Ханс-Дитер Фликнинг ҳужумкор услубига мослашувидан мамнун. Бу ҳақда TEAMtalk хабар берди.

Манбага кўра, каталонияликлар 25 ёшли вингер трансфери ҳозирча кутилган натижани тўлиқ бераётган деб ҳисобламоқда.

Гордон билан ишлаётган мутахассислар уни ўта профессионал ва мақсади сари қатъият билан интиладиган футболчи сифатида таърифламоқда.

«Барселона»да Гордонни Маркус Рашфорд ўрнига сотиб олиш қарори тўғри бўлган, деган фикр устун.

Жорий мавсумда Гордон барча мусобақаларда 7 та ўйинда майдонга тушиб, 5 та голли узатмани амалга оширди.

Унинг клуб билан амалдаги шартномаси 2031 йил ёзига қадар мўлжалланган. Transfermarkt маълумотига кўра, футболчининг бозор қиймати 80 миллион еврони ташкил қилади.