«Liverpul» yanvar oyida «Boka Xuniors»ning 19 yoshli yarim himoyachisi Tomas Arandani xarid qilish bo‘yicha taklif kiritishni rejalashtirmoqda. Bu haqda El Intransigente xabar berdi.

Manbaga ko‘ra, «Boka Xuniors» yosh futbolchini 9 million yevroga baholamoqda. Arandaga «Liverpul»dan tashqari «Inter», «Arsenal», «Chelsi», «Aston Villa» va «Komo» ham qiziqish bildirmoqda.

2025/26 yilgi mavsumda Aranda barcha musobaqalar doirasida 33 ta o‘yinda maydonga tushib, 2 ta gol urdi va 3 ta golli uzatmani amalga oshirdi.

Futbolchining «Boka Xuniors» bilan amaldagi shartnomasi 2029 yil oxiriga qadar tuzilgan. Transfermarkt portali uning bozor qiymatini 12 million yevroga baholamoqda.