«Manchester Yunayted» va Angliya terma jamoasining sobiq futbolchisi Ueyn Runi vazn tashlash jarayoni haqida gapirib berdi.

«O‘zimni juda yaxshi his qilyapman. Anchadan beri alkogol iste’mol qilmayapman — shunchaki sog‘lomroq bo‘lishni istadim. Ovqatlanish tartibimni ham yaxshiladim va muntazam mashq qilyapman.

Ko‘pchilik men vazn tashlash uchun maxsus in’eksiyalardan foydalanyapti, deb o‘ylayapti, ammo bu to‘g‘ri emas. Shuni aniq aytmoqchiman: men buning uchun juda ko‘p va qattiq mehnat qildim», — dedi Runi.

Ueyn Runi 2004 yildan 2017 yilgacha «Manchester Yunayted» sharafini himoya qilgan. U «qizil iblislar» safida 12 ta sovrinni qo‘lga kiritgan.

Shuningdek, Runi 253 ta gol bilan «Manchester Yunayted» tarixidagi eng yaxshi to‘purar hisoblanadi.