Irlandiya terma jamoasi Millatlar ligasi guruh bosqichi 2-turida Isroilni 3:0 hisobida mag‘lub etdi. Uchrashuv Vengriyaning Debresen shahridagi neytral maydonda bo‘lib o‘tdi.

Irlandiyaliklar uchala golni ham birinchi bo‘limda kiritdi. Troy Parrott, Adam Ayda va Jek Moylan o‘z nomini tabloga yozdirdi.

Uchrashuv oldidan har ikki terma jamoa futbolchilari bir-birlarining qo‘lini siqishmadi. Irlandiya futbolchilari G‘azodagi mojaro chog‘ida halok bo‘lganlar xotirasiga qora bog‘ichlarda maydonga chiqdi va Isroil madhiyasi yangragan paytda boshlarini egdi.

Irlandiya 3 ochko jamg‘arib, V ligasining 3-guruhida uchinchi o‘rinni egallab turibdi. Isroil esa musobaqa startidagi har ikki uchrashuvda mag‘lub bo‘lib, turnir jadvalining so‘nggi pog‘onasidan joy olgan.