Ирландия терма жамоаси Миллатлар лигаси гуруҳ босқичи 2-турида Исроилни 3:0 ҳисобида мағлуб этди. Учрашув Венгриянинг Дебрецен шаҳридаги нейтрал майдонда бўлиб ўтди.
Ирландияликлар учала голни ҳам биринчи бўлимда киритди. Трой Парротт, Адам Айда ва Жек Мойлан ўз номини таблога ёздирди.
Учрашув олдидан ҳар икки терма жамоа футболчилари бир-бирларининг қўлини сиқишмади. Ирландия футболчилари Ғазодаги можаро чоғида ҳалок бўлганлар хотирасига қора боғичларда майдонга чиқди ва Исроил мадҳияси янграган пайтда бошларини эгди.
Ирландия 3 очко жамғариб, В лигасининг 3-гуруҳида учинчи ўринни эгаллаб турибди. Исроил эса мусобақа стартидаги ҳар икки учрашувда мағлуб бўлиб, турнир жадвалининг сўнгги поғонасидан жой олган.
