«Parma» iste’foga chiqarilgan bosh murabbiy Karlos Kuesta o‘rniga yangi mutaxassis qidirishni boshladi. Bo‘sh qolgan lavozimga asosiy nomzodlardan biri Italiya terma jamoasining sobiq hujumchisi Alberto Jilardino hisoblanmoqda.

Jurnalist Alfredo Pedulla ma’lumotiga ko‘ra, «Parma» allaqachon mutaxassis bilan to‘g‘ridan-to‘g‘ri aloqa o‘rnatgan. Biroq Jilardinoning «Piza» bilan amaldagi shartnomasi muzokaralarga to‘sqinlik qilishi mumkin, chunki u avval ushbu kelishuvni bekor qilishiga to‘g‘ri keladi.

Jilardino avval ham «Parma» bosh murabbiyligiga nomzod sifatida ko‘rib chiqilgan. Bu Kristian Kivu «Inter»ga o‘tganidan keyin sodir bo‘lgan, ammo o‘sha paytda klub yakunda Karlos Kuestani tanlagan edi.

Jilardino A Seriyani yaxshi biladi. U bosh murabbiy sifatida «Jenoa»ni ikki to‘liq mavsum davomida Italiya chempionatining yuqori divizionida saqlab qolgan.