Krishtianu Ronaldu Millatlar ligasida Norvegiyaga qarshi 2:1 hisobida yakunlangan uchrashuvni to‘liq zaxira o‘rindig‘ida o‘tkazdi.

Portugaliya terma jamoasining 41 yoshli hujumchisi ikki yildan ortiq vaqt ichida ilk bor milliy jamoa qaydnomasidan joy olgan holda maydonga tushmadi.

So‘nggi bor bunday holat 2024 yil 8 iyun kuni Xorvatiyaga qarshi o‘rtoqlik uchrashuvida sodir bo‘lgan edi. O‘sha bahs Portugaliyaning 1:2 hisobidagi mag‘lubiyati bilan yakunlangan.

Shundan keyin Ronaldu qaydnomadan joy olgan 28 ta uchrashuvning barchasida maydonga tushgan. Ularning 27 tasida asosiy tarkibda o‘yin boshlagan, yana bir uchrashuvda esa tanaffusdan so‘ng zaxiradan maydonga chiqqan.

Bu 2024 yil 8 sentyabr kuni Millatlar ligasida Shotlandiyaga qarshi bahsda sodir bo‘lgan edi.