Turkiyaning «Galatasaroy», «Fenerbaxche» va «Beshiktosh» klublari «Inter» hamda Turkiya terma jamoasi yarim himoyachisi Hakan Chalxanoglu bilan bog‘liq vaziyatni kuzatib bormoqda. Bu haqda Turkiyaning Fanatik nashri xabar berdi.

Manba ma’lumotiga ko‘ra, avvalo «Galatasaray», shuningdek, «Fenerbaxche» va «Beshiktash» 32 yoshli futbolchi atrofidagi vaziyatni diqqat bilan kuzatmoqda.

Shu bilan birga, Chalxanogluga «Yuventus» ham qiziqish bildirmoqda. Fanatik ma’lumotiga ko‘ra, Turin klubi so‘nggi bir necha oy davomida turkiyalik yarim himoyachini kuzatib kelmoqda.

Chalxanoglu va «Inter» o‘rtasida yangi shartnoma bo‘yicha muzokaralarda siljish kuzatilmasa, vaziyat yanada rivojlanishi mumkin. Agar tomonlar kelishuvni uzaytirish masalasida oldinga siljiy olmasa, «Yuventus» futbolchi uchun kurashga qo‘shilishi mumkin.

Chalxanoglu 2021 yildan buyon «Inter» sharafini himoya qilib kelmoqda. Uning Milan klubi bilan amaldagi shartnomasi 2027 yil yoziga qadar mo‘ljallangan.