Туркиянинг «Галатасарой», «Фенербахче» ва «Бешиктош» клублари «Интер» ҳамда Туркия терма жамоаси ярим ҳимоячиси Ҳакан Чалханоглу билан боғлиқ вазиятни кузатиб бормоқда. Бу ҳақда Туркиянинг Fanatik нашри хабар берди.

Манба маълумотига кўра, аввало «Галатасарай», шунингдек, «Фенербахче» ва «Бешикташ» 32 ёшли футболчи атрофидаги вазиятни диққат билан кузатмоқда.

Шу билан бирга, Чалханоглуга «Ювентус» ҳам қизиқиш билдирмоқда. Fanatik маълумотига кўра, Турин клуби сўнгги бир неча ой давомида туркиялик ярим ҳимоячини кузатиб келмоқда.

Чалханоглу ва «Интер» ўртасида янги шартнома бўйича музокараларда силжиш кузатилмаса, вазият янада ривожланиши мумкин. Агар томонлар келишувни узайтириш масаласида олдинга силжий олмаса, «Ювентус» футболчи учун курашга қўшилиши мумкин.

Чалханоглу 2021 йилдан буён «Интер» шарафини ҳимоя қилиб келмоқда. Унинг Милан клуби билан амалдаги шартномаси 2027 йил ёзига қадар мўлжалланган.