Xorvatiyalik yulduz Luka Modrich milliy terma jamoa safidagi yorqin o‘yinlarini davom ettirmoqda. U so‘nggi natijalar va shaxsiy muvaffaqiyati haqida fikr bildirdi.
«Yana gol urganim ajoyib bo‘ldi, bundan juda xursandman. Slaven Bilich terma jamoada ish boshlagan paytda ham Italiyaga qarshi o‘yinda gol urgan edim. Endi esa yana qaytib, gol urishga muvaffaq bo‘ldim — bu yomon emas.
Albatta, jamoaning g‘alabasi meni yanada ko‘proq xursand qiladi», — deya Modrichning so‘zlarini pianetamilan.it nashri keltiradi.
Eslatib o‘tamiz, Luka Modrich Xorvatiyaning so‘nggi uchrashuvida Chexiya darvozasini ishg‘ol qilgan edi.
Klub miqyosida Modrich Italiyaning «Milan» jamoasi safida to‘p tepishda davom etmoqda.
