Xorvatiyalik afsona Ivan Rakitich «Oltin to‘p» uchun kurash haqida fikr bildirib, sovrinni ispaniyalik futbolchi qo‘lga kiritishi kerakligini aytdi. U o‘z favoritlari qatorida Lamin Yamal va Rodrini tilga oldi.
Rakitich, shuningdek, Maykl Oliseni juda yoqtirishini ta’kidladi, ammo uning Jahon chempionatidagi ishtiroki kutilgan darajada bo‘lmagani sabab imkoniyatlarini biroz past baholadi.
«Men uchun ispaniyaliklar favorit. Besh-oltita ismni bir idishga solib, xohlaganingizni tanlasangiz ham adashmaysiz. Menimcha, «Oltin to‘p»ni ispaniyalik futbolchi yutishi kerak», — dedi «Barselona» sobiq futbolchisi.
«Men shaxsan Oliseni juda yoqtiraman. Unda boshqalardan farq qiladigan nimadir bor, ammo uning Jahon chempionati ideal o‘tmadi. U bilan birga kuchli uchlikka Lamin va yana Rodrini qo‘shgan bo‘lardim», — dedi Rakitich.
