Olivye Jiru joriy mavsum yakunlanganidan so‘ng futbolchilik faoliyatini tugatishi mumkinligini aytdi.
«Monpelye», «Arsenal», «Chelsi» va «Milan»ning sobiq hujumchisi hozirda «Lill» safida to‘p tepmoqda. 30 sentyabr kuni u 40 yoshga to‘ladi.
«Kelasi yili L’Équipe uchun yana bir intervyu uyushtirishimiz mumkin, ammo menimcha, bu mavsum futbolchi sifatidagi so‘nggi mavsumim bo‘lishi ehtimoli katta. Shuning uchun har bir lahzadan zavq olyapman», — dedi Jiru.













