Diario Sport ma’lumotiga ko‘ra, «Bavariya» «Barselona» himoyachisi Jyul Kundeni yanvar oyi uchun ehtimoliy transfer maqsadi sifatida belgilab qo‘ygan.
Myunxenliklar Premyer-liga klublari va «Milan»ning qiziqishi fonida qishki transfer oynasida Kim Min Jeni sotishga majbur bo‘lishi mumkin. Janubiy koreyalik himoyachi o‘yin amaliyoti yetishmayotgani sabab klubdan ketish variantiga moyil ekani aytilmoqda.
Shu fonda Kunde «Bavariya» qiziqish doirasiga tushgan. Fransiyalik himoyachi endi «Barselona» tarkibida daxlsiz futbolchi hisoblanmaydi.
O‘tgan mavsumdan buyon o‘yinida sezilarli pasayish kuzatilgan Kunde o‘ng qanot himoyachisi pozisiyasida Erik Garsiyadan orqada qolmoqda.
«Bavariya» Kundening ham qanotda, ham markaziy himoyada o‘ynay olish qobiliyatini yuqori baholaydi.
Fransiyalik futbolchining «Barselona» bilan shartnomasi 2030 yilga qadar amal qiladi.
