Fransiya terma jamoasi bosh murabbiyi Zinedin Zidan Millatlar ligasida Belgiyaga qarshi 1:0 hisobidagi g‘alabali o‘yinda Andi Diufga milliy jamoada debyut qilish imkonini berdi. Qizig‘i, u o‘zining odatiy pozisiyasida emas, balki chap qanot himoyachisi sifatida maydonga tushdi.

Turli pozisiyalarda o‘ynay oladigan «Inter» futbolchisi o‘z o‘yini haqida fikr bildirdi.

«Inter»da ham men uchun odatiy bo‘lmagan pozisiyada o‘ynayapman. Ammo avval ham aytganimdek, hozir eng muhimi — maydonda bo‘lish.

Albatta, o‘zimning odatiy pozisiyamda o‘ynashni yaxshi ko‘raman, ammo bu roldan ham zavq olyapman», — dedi Diuf.

O‘tgan mavsumdagi qiyin debyut yildan so‘ng Diuf joriy mavsumda Kristian Kivu qo‘l ostida o‘zini qayta namoyon qila boshladi. U o‘ng qanot himoyachisi pozisiyasiga juda yaxshi moslashdi va yangi rolda ishonchli o‘yin ko‘rsatmoqda.