Angliya terma jamoasi himoyachisi Trent Aleksander-Arnold Millatlar ligasi 2-turidan o‘rin olgan Chexiyaga qarshi o‘yindagi g‘alabadan (2:0) so‘ng o‘z fikrlari bilan o‘rtoqlashdi.

«Ular bir kishi kam bo‘lib qolishgach, o‘yin yanada murakkablashdi: juda zich joylashib, faqat himoyalanishdi. Ularning himoyasini yorib o‘tish juda qiyin bo‘ldi. Ammo biz ikkinchi bo‘lim boshida gol urdik, aynan shu narsa bizga kerak edi», – deydi futbolchi ITV nashriga.

O‘zining golli uzatmasi haqida:

«Ha, uzatmani aniq amalga oshirdim. Tanaffusda Gordon bilan gaplashib, agar men o‘sha hududda bo‘lsam, u uzoq ustun yonida bo‘lishi kerakligini aytgandim. To‘p bunchalik tez yetib borishini kutmagandim, ammo hammasi biz o‘ylagandek bo‘ldi. Va bu o‘z samarasini berdi».

3 oktyabr kuni Angliya Xorvatiya bilan to‘qnash keladi. Har ikkala jamoa hisobida 3 tadan ochko bor, 6 ochko bilan Ispaniya peshqadamlik qilmoqda, Chexiyada esa 0 ochko.