Англия терма жамоаси ҳимоячиси Трент Александер-Арнольд Миллатлар лигаси 2-туридан ўрин олган Чехияга қарши ўйиндаги ғалабадан (2:0) сўнг ўз фикрлари билан ўртоқлашди.
«Улар бир киши кам бўлиб қолишгач, ўйин янада мураккаблашди: жуда зич жойлашиб, фақат ҳимояланишди. Уларнинг ҳимоясини ёриб ўтиш жуда қийин бўлди. Аммо биз иккинчи бўлим бошида гол урдик, айнан шу нарса бизга керак эди», – дейди футболчи ITV нашрига.
Ўзининг голли узатмаси ҳақида:
«Ҳа, узатмани аниқ амалга оширдим. Танаффусда Гордон билан гаплашиб, агар мен ўша ҳудудда бўлсам, у узоқ устун ёнида бўлиши кераклигини айтгандим. Тўп бунчалик тез етиб боришини кутмагандим, аммо ҳаммаси биз ўйлагандек бўлди. Ва бу ўз самарасини берди».
3 октябрь куни Англия Хорватия билан тўқнаш келади. Ҳар иккала жамоа ҳисобида 3 тадан очко бор, 6 очко билан Испания пешқадамлик қилмоқда, Чехияда эса 0 очко.
