«Liverpul» vingeri Rio Ngumoa Angliya va Chexiya terma jamoalari o‘rtasidagi Millatlar ligasi uchrashuvida zaxiradan maydonga tushdi.

Mersisaydliklar vakili 71-daqiqada Bukayo Sakaning o‘rniga maydonga tushdi. Opta ma’lumotiga ko‘ra, Ngumoa 18 yosh va 31 kunligida «uch sher»lar safida rasmiy uchrashuvda debyut qilgan eng yosh uchinchi futbolchiga aylandi. Undan oldin Ueyn Runi — 17 yosh va 156 kunligida, Jud Bellingem esa 17 yosh va 269 kunligida debyut qilgan.

Uchrashuv angliyaliklarning 2:0 hisobidagi g‘alabasi bilan yakunlandi. Ngumoa avval ham milliy terma jamoa safida maydonga tushgan, ammo o‘rtoqlik uchrashuvida. «Liverpul»ning iqtidorli futbolchisining «norasmiy» debyuti iyun oyida Yangi Zelandiya terma jamoasiga qarshi o‘yinda bo‘lib o‘tgan.