Shveysariya futbol ittifoqi (SFV) FIFA prezidentligi saylovida Janni Infantino nomzodini qo‘llab-quvvatlashini rasman qaytarib oldi. Tashkilot iyun oyida shveysariyalik funksionerni qo‘llab-quvvatlagan edi, ammo keyinchalik o‘z pozisiyasini o‘zgartirdi.

«Bizning nuqtai nazarimizdan, so‘nggi bir qator voqealar FIFAdagi rahbarlik, boshqaruv, shaffoflik va qaror qabul qilish jarayonlari bo‘yicha jiddiy savollarni keltirib chiqarmoqda», — deyiladi SFV bayonotida.

Shveysariya futbol ittifoqi alohida ravishda amerikalik futbolchi Folarin Balogun bilan bog‘liq vaziyatni ham tilga oldi. Tashkilot bu holatda qoidalarning aniqligi va musobaqalar adolatliligi bo‘yicha savollar mavjudligini ta’kidladi.

Gap so‘nggi jahon chempionatining 1/8 finali oldidan futbolchining diskvalifikasiyasi bekor qilingani haqida ketmoqda.

«Men Janni Infantino nomzodini qo‘llab-quvvatlashda davom etish uchun mas’uliyatni o‘z zimmamga ola olmayman», — dedi SFV prezidenti Peter Knobel.

SFV, shuningdek, FIFA qabul qilayotgan qarorlarning shaffof bo‘lishi va barcha qarorlar belgilangan qoidalar asosida qabul qilinishi tarafdori bo‘lib qolishini ta’kidladi.