Yarim himoyachi Brunu Fernandesh xorij klublarining qiziqishiga qaramay, «Manchester Yunayted» bilan yangi shartnoma imzolashga moyil. Bu haqda The Hard Tackle xabar bermoqda.
32 yoshli portugaliyalik futbolchining amaldagi shartnomasi 2027 yil yozigacha amal qiladi. Shu bilan birga, klub uni yana bir mavsumga uzaytirish imkoniyatiga ega. «Manchester Yunayted» Fernandeshni o‘zining yetakchisi deb hisoblaydi va shartnomani uzoq muddatga uzaytirishdan manfaatdor.
Yozda futbolchiga «Galatasaray», «Milan» va «Yuventus» klublari qiziqish bildirgan. «Milan» va «Yuventus» vaziyatni kuzatishda davom etishmoqchi, chunki yangi kelishuv imzolanmasa, Fernandesh erkin agentga aylanishi mumkin.
