Madridning «Real» klubi va Braziliya terma jamoasi hujumchisi Endrik, agar ko‘proq o‘yin amaliyotiga ega bo‘lmasa, «qirollik klubi»ni tark etish haqida o‘ylab ko‘rishi mumkin. Bu haqda Diario AS xabar berdi.
Manba ma’lumotiga ko‘ra, «Roma» hamon 20 yoshli forvardni o‘z safiga qo‘shib olishga qiziqish bildirmoqda. Italiya klubi qishki transfer oynasida Endrikni ijaraga olishga urinib ko‘rishi mumkin.
Braziliyalik futbolchining «Real» bilan amaldagi shartnomasi 2030 yilning o‘rtalariga qadar mo‘ljallangan. Hujumchining transfer qiymati 40 million yevroga baholanmoqda.
Joriy Ispaniya chempionatida Endrik bitta uchrashuvda maydonga tushdi va samarali harakat qayd etmadi.
