Мадриднинг «Реал» клуби ва Бразилия терма жамоаси ҳужумчиси Эндрик, агар кўпроқ ўйин амалиётига эга бўлмаса, «қироллик клуби»ни тарк этиш ҳақида ўйлаб кўриши мумкин. Бу ҳақда Diario AS хабар берди.
Манба маълумотига кўра, «Рома» ҳамон 20 ёшли форвардни ўз сафига қўшиб олишга қизиқиш билдирмоқда. Италия клуби қишки трансфер ойнасида Эндрикни ижарага олишга уриниб кўриши мумкин.
Бразилиялик футболчининг «Реал» билан амалдаги шартномаси 2030 йилнинг ўрталарига қадар мўлжалланган. Ҳужумчининг трансфер қиймати 40 миллион еврога баҳоланмоқда.
Жорий Испания чемпионатида Эндрик битта учрашувда майдонга тушди ва самарали ҳаракат қайд этмади.
