O‘zbekistonlik tennischi Humoyun Sultonov Aichi–Nagoya 2026 Osiyo o‘yinlarida muvaffaqiyatli yurishini davom ettirib, erkaklar o‘rtasidagi yakkalik bahslarida yarim final yo‘llanmasini qo‘lga kiritdi.
Bu natija Sultonov uchun nafaqat yarim final chiptasi, balki kamida bronza medal kafolatlanganini ham anglatadi. Osiyo o‘yinlari tennis musobaqalarida uchinchi o‘rin uchun alohida uchrashuv o‘tkazilmaydi va yarim finalda mag‘lub bo‘lgan har ikki tennischi bronza medaliga ega bo‘ladi.
Sultonovning bu natijasi alohida e’tiborga loyiq. U avvalgi — Hangzhou-2022 Osiyo o‘yinlarida ham yakkalik bahslarida bronza medalini qo‘lga kiritgan edi. O‘shanda u chorak finalda aynan Tayvan vakili Seng Chun-hsinni uch setda mag‘lub etib, yarim finalga chiqqan.yina
