«Liverpul» vingeri Rio Ngumoa Angliya terma jamoasi safida rasmiy o‘yinda debyut qilgan eng yosh futbolchilar ro‘yxatida uchinchi o‘rinni egalladi.
O‘tgan yozda «uch sherlar» safida o‘rtoqlik uchrashuvida maydonga tushgan 18 yoshli futbolchi Millatlar ligasida Chexiyaga qarshi kechgan va 2:0 hisobida yakunlangan o‘yinning ikkinchi bo‘limida zaxiradan maydonga tushdi.
Ngumoaning milliy jamoa safidagi ilk rasmiy uchrashuvi u 18 yoshga to‘lganidan 31 kun o‘tib amalga oshdi.
Bunga qadar Angliya terma jamoasi safida rasmiy uchrashuvlarda undan yoshroq holda faqat Ueyn Runi — 17 yoshu 156 kunligida va Jud Bellingem — 17 yoshu 269 kunligida maydonga tushgan.
