Bild nashri milliy terma jamoalar bosh murabbiylarining hozirgi maoshlarini ma’lum qildi.

Manbaga ko‘ra, Germaniya terma jamoasi bosh murabbiyi Yurgen Klopp yiliga 7 million yevro maosh oladi. Undan ko‘proq faqat Karlo Anchelotti ishlab topadi — uning yillik daromadi taxminan 10 million yevroni tashkil qiladi.

AQSH terma jamoasi bosh murabbiyi Maurisio Pochettino yiliga 6,8 million yevro, Angliya ustozi Tomas Tuxel esa 6 million yevro maosh oladi.

Ispaniya terma jamoasi bosh murabbiyi Luis de la Fuenteniki jahon chempionatidagi g‘alabadan keyin 2 million yevrodan 5 million yevrogacha oshgan.

Argentina termasi bosh murabbiyi Lionel Skaloni yiliga 2,3 million yevro, Fransiya ustozi Zinedin Zidan 3,6 million yevro, Portugaliya bosh murabbiyi Jorje Jezush esa 4 million yevro ishlab topadi.

Germaniya terma jamoasida ish boshlashi Klopp daromadining kamayishiga olib kelgan. U Red Bull tizimida yiliga taxminan 12 million yevro olgan, «Liverpul»dagi so‘nggi bazaviy maoshi esa 18 million yevroni tashkil qilgan.