Italiya Milliy olimpiya qo‘mitasi (CONI) Italiya futbol federasiyasiga (FIGC) maxsus komissar tayinlash masalasini ko‘rib chiqadi. Agar bu taklif ma’qullansa, federasiyaga vaqtinchalik rahbar tayinlanadi, avval saylangan prezident esa lavozimidan chetlatiladi. Bu haqda Corriere della Sera xabar berdi.
Muhokamaga Jovanni Malagoning FIGC prezidenti lavozimini egallash huquqi borasidagi savollar sabab bo‘ldi.
Gap Malago nomzodi ilgari surilgan paytda uning federasiyada rasman ro‘yxatdan o‘tmagani, shuningdek, davlat lavozimlaridan o‘zaro bog‘liq tashkilotlardagi rahbarlik lavozimlariga o‘tishni cheklovchi tamoyil haqida ketmoqda.
Shu bilan birga, Italiyaning korrupsiyaga qarshi kurash idorasi avvalroq ushbu masala bo‘yicha Malago foydasiga qaror chiqargani qayd etilgan.
