Ispaniya terma jamoasi va Kataloniyaning «Barselona» klubi yarim himoyachisi Dani Olmo futbolchilik faoliyatini qaysi jamoada yakunlashni istashini belgilab oldi.

Fichajes jurnalistlarining xabar berishicha, ispaniyalik futbolchi kelajakda Zagrebning «Dinamo» klubiga qaytishni xohlamoqda. Olmo faoliyatining dastlabki bosqichida Xorvatiya jamoasi sharafini himoya qilgan.

28 yoshli futbolchi 2024 yil yozidan buyon «Barselona» safida to‘p surib kelmoqda. Tomonlar o‘rtasidagi amaldagi shartnoma 2030 yil iyun oyi oxiriga qadar mo‘ljallangan.

Olmoning transfer qiymati 60 million yevroga baholanmoqda.

Joriy mavsumda Dani Ispaniya chempionatida yettita uchrashuvda maydonga tushib, uchta golli uzatmani amalga oshirdi.